Qazaqstan Respýblıkasy Úkimetiniń qaýlysy  №1167 

2015 jylǵy 31 jeltoqsan, Astana, Úkimet Úıi Memlekettik ıslam arnaıy qarjy kompanııasyn taratý qaǵıdalaryn bekitý týraly «Baǵaly qaǵazdar rynogy týraly» 2003 jylǵy 2 shildedegi Qazaqstan Respýblıkasynyń Zańy 32-6-babynyń 7-1-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Memlekettik ıslam arnaıy qarjy kompanııasyn taratý qaǵıdalary bekitilsin. 2. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 31 jeltoqsandaǵy №1167 qaýlysymen bekitilgen Memlekettik ıslam arnaıy qarjy kompanııasyn taratý erejeleri 1. Osy Memlekettik ıslam arnaıy qarjy kompanııasyn taratý erejeleri «Baǵaly qaǵazdar rynogy týraly» 2003 jylǵy 2 shildedegi Qazaqstan Respýblıkasynyń Zańy 32-6-babynyń 7-1-tarmaǵyna sáıkes ázirlengen jáne memlekettik ıslam arnaıy qarjy kompanııasyn (budan ári - kompanııa) taratý tártibin aıqyndaıdy. 2. Kompanııa sottyń sheshimi boıynsha bankrot bolǵan jaǵdaıda jáne Qazaqstan Respýblıkasy zańnamasymen qarastyrylǵan ózge jaǵdaılarda taratylýy múmkin. 3. Kompanııany taratý Qazaqstan Respýblıkasy Úkimetiniń sheshimimen qabyldanady. Bul rette, kompanııasyn erikti túrde taratý kompanııa shyǵarǵan memlekettik ıslam baǵaly qaǵazdary shyǵarylymyn óteýdiń qorytyndylary týraly esep bekitilgennen keıin júzege asyrylýy múmkin. 4. Memlekettik múlikti basqarý jónindegi ýákiletti organ kompanııany taratý týraly sheshim qabyldaǵandyǵyn zańdy tulǵalardy tirkeýdi júzege asyratyn ádilet organyna, tirkeý orny boıynsha memlekettik kiris organyna dereý jazbasha túrde habarlaıdy. 5. Memlekettik basqarýdyń tıisti salasyn (aıasyn) basqarý jónindegi ýákiletti organ kompanııanyń jarǵylyq kapıtalynda memlekettik qatysý quqyǵy ıelengen Memlekettik múlikti basqarý jónindegi ýákiletti organmen kelisim boıynsha kompanııany taratý sheshimi qabyldanǵannan keıin kompanııa taratý komıssııasyn kúntizbelik on kún ishinde qurylyp kompanııanyń múlkin jáne isterin basqarý jónindegi ókilettik soǵan aýysady. 6. Taratý komıssııasy kompanııany taratý, sondaı-aq onyń kredıtorlarynyń talaptaryn málimdeý tártibi men merzimi týraly aqparatty Qazaqstan Respýblıkasy Ádilet mınıstrliginiń resmı baspa basylymdarynda kompanııany taratý komıssııasyn qurylǵannan keıin kúntizbelik on kún ishinde jarııalaıdy. Bankrottyq jaǵdaılaryn qospaǵanda, talaptardy málimdeý merzimi taratý týraly habarlandyrý jarııalanǵan kezden bastap eki aıdan kem bolmaıdy. Bankrottyq kezinde kredıtorlardyń bankrotqa qoıatyn talaptary kredıtorlardyń talaptaryn málimdeý tártibi týraly habarlandyrý jarııalanǵan kezden bastap bir aı merzimnen keshiktirilmeı málimdelýge tıis. merzimi taratý týraly habarlandyrý jarııalanǵan kezden bastap eki aıdan kem bolmaıdy. Taratý komıssııasy kredıtorlardy anyqtaý jáne qaryzdaryn alý úshin sharalar qoldanady, sondaı-aq kredıtorlarǵa kompanııanyń taratylǵany týraly jazbasha habarlaıdy. 7. Kredıtorlar talaptaryn qoıýǵa arnalǵan merzim aıaqtalǵannan keıin taratý komıssııasy kún­tizbelik otyz kún ishinde aralyq taratý teńgerimin jasaıdy, onda kompanııa múlkiniń quramy, kredı­torlar qoıǵan talaptar tizbesi, sondaı-aq olardy qaraý nátıjeleri týraly málimetter qamtylady. Aralyq taratý teńgerimin memlekettik basqarýdyń tıisti salasyn (aıasyn) basqarý jónindegi ýákiletti organ bekitedi. 8. Aralyq taratý teńgerimin jasaǵan kezde taratylatyn kompanııa múlkiniń quramyna Qazaqstan Respýblıkasy Úkimetiniń sheshimi negizinde kompanııaǵa satylǵan múlik kirmeıdi. Taratý komıssııasy kórsetilgen múlikti Qazaqstan Respýblıkasynyń Úkimeti aıqyndaıtyn tártippen jáne merzimderde Qazaqstan Respýblıkasynyń menshigine beredi. 9. Kompanııanyń kredıtorlaryna aqsha tóleýdi taratý komıssııasy Qazaqstan Respýblıkasynyń Azamattyq kodeksinde belgilengen kezek tártibimen aralyq taratý teńgerimi bekitilgen kúnnen bastap, soǵan sáıkes júrgizedi. 10. Kompanııanyń taratylatyn memlekettik ıslam baǵaly qaǵazdary boıynsha olardyń ustaýshylary aldynda, sondaı-aq memlekettik múlikti basqarý jónindegi ýákiletti organnyń jáne memlekettik basqarýdyń tıisti salasyn (aıasyn) basqarý jónindegi ýákiletti organnyń aldynda mindettemeleri bolǵan jaǵdaıda, taratý memlekettik ıslam baǵaly qaǵazdaryn shyǵarý sharttary eskerilip júzege asyrylady. 11. Kredıtorlarmen esep aıyrysý bitkennen keıin taratý komıssııasy taratý teńgerimin azamattyq zańnama talaptaryna sáıkes jasaıdy. 12. Bul týraly málimetter Bıznes-sáıkestendirý nómirleriniń ulttyq tizilimine engizilgennen keıin kompanııanyń taratylýy aıaqtalǵan bolyp, al kompanııa óz qyzmetin toqtatqan bolyp esepteledi.